ஆட்சி நீட்டிப்பு மறுப்பு: 1976-ல் திமுக ஆட்சி கலைக்கப்பட்ட பின்னணி

1976-ல் தேர்தலைச் சந்தித்தால் தோற்றுவிடுவோம் என்பது கருணாநிதிக்குத் தெரிந்திருந்தது என்கிறது இந்தத் தொடர். அதனால் ஆட்சியை இன்னும் ஓராண்டு நீட்டித்துத் தர வேண்டும் என்று இந்திரா காந்தியிடம் கேட்கப்பட்டது. அப்படி நீட்டித்தால் 1977 தேர்தலில் அதிமுகவை வீழ்த்தும் வாய்ப்பை உயர்த்திக் கொள்ளலாம் என்பது திமுகவின் கணக்கு.

அவசரநிலை அறிவிக்கப்பட்ட பிறகு இந்தப் பேச்சுவார்த்தை ஆறு, ஏழு மாதங்கள் நீண்டது. இறுதியில் இந்திரா காந்தி மறுத்துவிட்டார். அதன் பிறகு மாநில சுயாட்சி என்ற பெயரில் மத்திய அரசுக்கு எதிரான குரலைத் திமுக உயர்த்தியது.

ஏற்கெனவே அவசரநிலை நடைமுறையில் இருந்த நிலையில், திமுக ஆட்சியைக் கலைப்பது என்ற முடிவுக்கு இந்திரா காந்தி வந்தார். 1976 பிப்ரவரியில் திமுக ஆட்சி கலைக்கப்பட்டது. இந்தியாவுக்கு எதிராகப் பேசுகிறார்கள் என்று கூறி, திமுகவினர் பலர் உடனடியாக மிசா சட்டத்தின் கீழ் கைது செய்யப்பட்டார்கள். அவர்களில் சிட்டிபாபுவும் ஒருவர்.