முதல்வருக்கும் நாம் தமிழர் கட்சிக்கும் நீதிமன்றங்களின் பாராட்டு

தமிழ்நாடு முதலமைச்சர் சிறப்பாகச் செயல்படுகிறார் என்று உச்ச நீதிமன்ற நீதிபதி சஞ்சய் குமார் கருத்து தெரிவித்தார். மாநிலத்தில் நடக்கும் மாற்றங்களைக் கவனித்து வருவதாகவும் அவர் கூறினார். அவரது கருத்தை மற்றொரு நீதிபதியும் வழிமொழிந்தார். இந்தச் செய்தி சமூக வலைதளங்களில் வேகமாகப் பரவியது.

நீதிமன்றம் முதலமைச்சர் விஜய்யை மட்டும்தான் பாராட்டுமா என்று கேட்டால், இல்லை. நாம் தமிழர் கட்சிக்கும் நீதிமன்றப் பாராட்டு கிடைத்துள்ளது. மணிமுத்தாறு நீர்நிலைகளைச் சுத்தம் செய்யவும், அங்குள்ள நெகிழிக் குப்பைகளை அகற்றவும் அந்தக் கட்சி சார்பில் மனு அளிக்கப்பட்டது. கையுறை உள்ளிட்ட ஏற்பாடுகள் தயார் என்றும், தேவைப்படும் செலவையும் குறிப்பிட்டு அவர்கள் கோரிக்கை வைத்தனர்.

ஒரு கட்சியாவது இப்படி முன்வந்து நீர்நிலைகளைத் தூர்வாரக் கோரிக்கை வைப்பது மகிழ்ச்சி அளிக்கிறது என்று உயர் நீதிமன்ற மதுரைக் கிளை பாராட்டியது. இப்படிப்பட்ட முன்னேற்பாடுகளைச் செய்வது மகிழ்ச்சி அளிப்பதாகவும் நீதிமன்றம் குறிப்பிட்டது.