மிசா கைது: நெல்லை ஜெபமணி ஆவணமும் எழும் கேள்விகளும்

மிசா சட்டத்தின் கீழ் ஒருவர் கைது செய்யப்பட்டால், அரசுத் துறை அவரது குடும்பத்துக்கு எழுத்துப்பூர்வமாகத் தகவல் அனுப்பியிருக்க வேண்டும். அப்படி ஓர் ஆவணம் இப்போது வெளியாகியுள்ளது. நெல்லை ஜெபமணி மிசாவில் கைது செய்யப்பட்டபோது, சிறை நிர்வாகம் அவரது குடும்பத்தினருக்கு அனுப்பிய கைது அறிவிப்பை அவரது மகன் மோகன்ராஜ் ஜெபமணி வெளியிட்டுள்ளார்.

அப்படியானால், அதே போன்ற ஆவணம் திமுக தலைவர் கருணாநிதியின் குடும்பத்துக்கும் கொடுக்கப்பட்டிருக்க வேண்டும். அது என்ன ஆனது? ஸ்டாலின் மிசாவில் கைது செய்யப்பட்டார். ஆனால் அவர் ஏன் கைது செய்யப்பட்டார் என்பதில் திமுக சொல்வதும் எதிர்க்கட்சி சொல்வதும் வேறுபடுகின்றன. தடுப்புக் காவல் நகலையோ, அதிலுள்ள ஆணையரின் பெயர், கையெழுத்தையோ சரிபார்க்க எந்த ஆவணமும் இல்லை; எல்லாம் புயலில் அழிந்துவிட்டதாகச் சொல்லப்படுகிறது.

மிசா காலத்தில் கெட்டது மட்டுமே நடக்கவில்லை. அரசு அதிகாரிகளும் ஊழியர்களும் நேரம் தவறாமல் அலுவலகம் வர வேண்டும் என்ற கண்டிப்பான உத்தரவு இருந்தது. குற்றச் செயலில் ஈடுபட்டவர்கள் உடனடியாகக் கைது செய்யப்பட்டுச் சிறையில் அடைக்கப்பட்டதால் ஒருவித அச்சமும் நிலவியது.